សម្ដេចក្រឡាហោម ស ខេង ដឹកនាំកិច្ចប្រជុំលើកទី៣ នៃគណៈកម្មាធិការជាតិដឹកនាំតម្រង់ទិសការងារអត្រានុកូលដ្ឋាន
18-February-2019 | ដោយ ពលមនសិការ
ភ្នំពេញ៖ នៅព្រឹកថ្ងៃចន្ទទី១៨ ខែកុម្ភៈ ឆ្នាំ២០១៩នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញដឹកនាំកិច្ចប្រជុំលើកទី៣ នៃគណៈកម្មាធិការជាតិ ដឹកនាំតម្រង់ទិសការងារអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ហៅកាត់ថា គ.ជ.ដ.អ នៅទីស្ដីការក្រសួងមហាផ្ទៃ។
កិច្ចប្រជុំដ៏មានសារៈសំខាន់នេះ បានផ្ដោតការពិភាក្សាអំពីរបៀបវារៈសំខាន់ៗដូចខាងក្រោម៖
-ការអនុម័តកំណត់ហេតុអង្គប្រជុំលើកទី២របស់ គ.ជ.ដ.អ
-ការពិនិត្យរបាយការណ៍ប្រចាំឆ្នាំ២០១៨ ស្ដីពីវឌ្ឍនភាព នៃការអនុវត្តផែនការយុទ្ធសាស្ត្រជាតិ ស្ដីពីអត្តសញ្ញាណកម្មឆ្នាំ២០១២-២០២៦
-របាយការណ៍ស្ដីពីការវាយតម្លៃ ការអនុវត្តសាកល្បងច្រកចេញចូលតែមួយ សេវាអត្តសញ្ញាណកម្ម នៅសាលាឃុំ សង្កាត់ ក្នុងខេត្តកែប និងខេត្តកំពត
-របាយការណ៍សង្ខេប ស្ដីពីវឌ្ឍនភាពនៃការរៀបចំសេចក្ដីព្រាងច្បាប់ស្ដីពី អនុត្រនុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម
-និងបញ្ហាផ្សេងៗ។
សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចាត់ទុកការកំណត់អត្តសញ្ញាណបុគ្គលឲ្យបានច្បាស់លាស់ គឺជាកិច្ចការស្នូលរបស់រាជរដ្ឋាភិបាល ដែលត្រូវខិតខំដោះស្រាយឲ្យបានសមស្របតាមស្ថានភាពជាក់ស្ដែងរបស់កម្ពុជា និងការតព្វកិច្ចអន្តរជាតិ។
សម្ដេចក្រឡាហោម ក្នុងនាមថ្នាក់ដឹកនាំក្រសួងមហាផ្ទៃ តែងតែផ្ដល់អាទិភាពជាចម្បងលើកិច្ចខិតខំដោះស្រាយ និងជំរុញការងារអត្តសញ្ញាណកម្មនេះ ឲ្យឈានទៅមុខ ស្របតាមផែនការយុទ្ធសាស្ត្រជាតិ ស្ដីពីអត្តសញ្ញាណកម្ម ដែលរាជរដ្ឋាភិបាលបានអនុម័តរួច៕
ចំនួនអ្នកទស្សនា
- ថ្ងៃនេះ2431
- ម្សិលមិញ11441
- សប្តាហ៍នេះ32261
- ខែនេះ147411
- ឆ្នាំនេះ147411
- សរុប20589867